اللازمة الرئيسية) lyrics

اللازمة الرئيسية) ناس ناس ناس ناس.. ناس ناس ناس ناس مبيفهموش، ميعذروش، ما هما ناس مبيرحموش، ما يقدروش، ده طبع الناس  مالك ومال الناس؟ ده لكل مشكلة حل قالوا الشيطان وسواس، على البشر بيضل نحكي الحكاية من أولها تسمعها مش هتمل صلي وسلم على الحبيب، نحكي على راجل كسيب بعد ما تسمع الحكاية متقولش موضوع عجيب  (بداية القصة) أنا شفت ناس بالشوم، تاكل الحقوق باليوم ده أنا كنت شادد حيلي، كانوا الصحاب بالكوم في الشدة لما وقعت، ما في حد قال لي قوم ورجع لي تاني القرش، راجعة الكلاب بتحوم  وهنبدأ الحدوتة، اسمع وصحي النوم بدأت حكاية الجدع أول ما كبر أول ما فار عوده.. خطط في وشه الشنب جمد، نشف، وكمان تخن صوته أبوه عمل له بطاقة في يوم قبل معاد موته  في الدنيا مين بيعيش يا ناس بمزاجه وشروطه؟ ده كل من له حبيب في يوم حبيبه هيفوته ده ورث له 100 فدان.. والورث مش مجان لازم فلوس علشان تخلص الأوراق، لف ودور وأتهان  ده سندك اللي كان، افتكره بالرحمن لو كنت ليه مشتاق ده واحد مالوش إخوات، لا أولاد ولا حتى بنات بس أمه كانت عايشة بتسانده بالدعوات استلم الـ100 فدان، باعهم من أجل كاشات وخد الفلوس واختفى، وصرفها على اللذات  حال أمه كان من بعده إزاي؟ ما تسألوش ماشية تدور في الشارع وسط الناس والوشوش ودموعها كانت على عينها سايلين ما بينشافوش غاب قول كده 6 شهور.. إنسان خاين مغرور نازلة الدموع على الخد تغلي يا ناس وتفور وأمه فقدت نظرها.. هتعيش في الضلمة مش النور  (اللازمة) ناس ناس ناس ناس.. ناس ناس ناس ناس مبيفهموش، مبيعذروش، ما هما ناس مبيرحموش، ما يقدروش، ده طبع الناس  (المقطع الثاني) ورجع لأمه وندمان من بعد ما غاب فترة طويلة مشتاق لحضنك ياما ونفسي أدخل بيت العيلة أمه قالت: هسامحه، ابني وهداوي جرحه بتطبطب على الخدود علشان تفتكر ملامحه  وإدته صاغتها يبيعها وقالت له: "المصلحة اسمع مني فرحتي لما أفرح بيك من بعد ما نظري خلاص راح مني هات لك عربية تجيب لك رزق وسوق يا ضنايا متأني بدعيلك صحة ومال، راحة بال، وتعيش متهني"  وجابت له عروسة في عروسة ويقول: "لا لا لا لا مش لازمني" شفوا اللي حصل يا أهل الله.. اتلم على الصحبة الضالة دخان يشرخ في الصدر يكح الكل يقول له: اسم الله كتبوا له عرفي على بنية وقالت رابطاه معاه مش حاله  قالوا: مين يشهد في العقد؟ والكل قال: "أنا!" ولا واحد جلي تاني يوم صحي كده من النوم لقى نفسه فعلاً متجوز راح شد الحرمة وراح على البيت ورجع مخنوق ومبوز قال لها: "ياما اتجوزت"، قالت له: "إزاي من غيري تتجوز؟" كانت فاكرة ابنها ده نضيف ما تعرفش إنه خلاص اتلوث  البت عاشت في دور الرقة وحبة حبة وقالت له: "لا مش هتلمسني.. اكتب لي شقة!" الأم في صرخة تقول: "ضنايا!"، وابنها بيقول: "لا لا لا كفاية ياما دي مراتي بسببك متعاركة الليلة معايا هتسيبي البيت الجميل وتروحي تعيشي في دار رعاية"  الأم بتك